Friday, 1 November 2019

পৰলোক

এজন মন্ত্ৰীৰ মৃত্যুৰ পিছত আত্মাটো পৰলোক পালেগৈ ।
যেতিয়া তেওঁ স্বৰ্গৰ দুৱাৰদলিত উপস্থিত হ'ল ( যেনে তেনেহে স্বৰ্গত স্থান পোৱাৰ যোগ্য আছিল ) ।তেতিয়া দেৱতাৰ দ্বাৰৰক্ষীয়ে ক'লে = স্বৰ্গত কিছু সংস্কাৰৰ কাম চলি আছে । সেয়ে দুদিন তুমি নৰকত ফুৰি আহিব লাগিব ।
মন্ত্ৰীজন কথাটোত ৰাজি হ'ল ।
নৰকৰ যমদূতে তেওঁক আদৰণি জনালে ।
,
বিন্দাছ হৈ মন্ত্ৰীজনে নৰক ফুৰিবলৈ ধৰিলে । নৰকৰ সুন্দৰ ৰূপ দেখি মন্ত্ৰীজন অবাক হৈ গ'ল ।
অতিপাত আৰামদায়ক নৰকৰ ব্যৱস্থা দেখি মন্ত্ৰী জন মূহিত হ'ল । থাকিবৰ বাবে আৰাম দায়ক প্ৰাসাদ , চুইমিং পুল , গল্ফ্ কৰ্ট আদিয়ে মন্ত্ৰী জনৰ মন মুহি পেলালে ।
লগতে সোণত সুৱগা চৰোৱা অপ্সৰা বোৰতো আছেই । মানুহবোৰ তাত পৃথিৱীত কৈও আৰামত আছে ।
,
দুদিন ফুৰাৰ পিছত যেতিয়া তেওঁৰ স্বৰ্গলৈ যোৱাৰ সময় আহিল , তেতিয়া তেওঁ দেৱতা সকলক ক'লে = মই আৰু স্বৰ্গলৈ নেযাওঁ । নৰকতে থাকিম । ইয়াতকৈ আৰু অধিক সুখ মোক নালাগে ।
,
আচৰিত হৈ দেৱতা সকলে ক'লে = তুমি সঁচাকৈয়ে তাতে থাকিবানে ?
মন্ত্ৰী = হয় থাকিম ।
,
দেৱতাসকল ৰাজি হৈ গ'ল ।
,
তাৰ পিছত মন্ত্ৰীজন পুনৰ যেতিয়া নৰকলৈ গ'ল , তেতিয়া তেওঁ নৰকত আগত দেখাতকৈ সম্মূৰ্ণ এখন ওলোটা ছবি দেখিলে ।
য'ত নেকি নাই কোনো সুন্দৰ ঠাই । কেউফালে মাথোন জুই আৰু উত্তপ্ত অঙঠাৰ লগতে গৰম তেল । ভয়ানক দৈত্যবোৰে মানুহবোৰক বিভিন্ন শাস্তি দি আছে । বিষাক্ত সৰ্প আৰু কীট পতংগই চাৰিও ফালে কিলবিলায় আছে । মুঠতে এখন কুৎসিত আৰু জঘন্য ঠাই ।
,
আচৰিত হৈ মন্ত্ৰীজনে যমদূতক সুধিলে = নৰকত এইয়া কি দেখিছো । আগৰ দৰে নহয় যে ?
,,
হাঁহি হাঁহি যমদূতে ক'লে = সেইয়া আছিল কেম্পেইনিং । তোমালোকে যেনেদৰে ইলেকচনৰ আগত মানুহক স্বৰ্গৰ সপোন দেখাই পিছত নৰক উপহাৰ দিয়া , আমিও থিক সেইটোৱেই কৰিছো । তুমিতো এইটো কথা সহজেই বুজি পাব লাগে । সাধাৰণ ভোটাৰৰ দৰে তুমিও এতিয়া ভোগ কৰিব লাগিব ।