Friday, 24 March 2017

বিতৰ্ক

বিতৰ্ক আৰু বিতৰ্ক,সীমাহীন বিতৰ্ক! নাহিদ,চিলাপথাৰ, সুবোধ এইবোৰটো বাদেই এটা গানৰ খৰচ,অডিঅ’ ভিডিঅ’, প্ৰয়োজনীয়তা লৈও বিতৰ্ক৷

সিদিনা কৰবাত পঢ়িলো লক্ষ্মীনাথ বেজবৰুৱাদেৱে আজিৰ তাৰিখত “অ’ মোৰ অসমী আই” লিখিলেও হেনো বিতৰ্ক হ’লহেতেন৷ অলপ কল্পনা কৰি চাব খুজিছো কেনেকুৱা বিতৰ্ক হ’লহেতেন৷ হয়তো এনেকুৱা ধৰনৰ প্ৰতিক্ৰিয়া আহিলহেতেন -

সংখ্যালঘু সংগঠনৰ নেতা- মাতৃপুজা বা মাতৃবন্দনা কৰাটো আমাৰ ধৰ্মত হাৰাম৷ যেনেদৰে আমি “ভাৰত মাতা কি জয়” কোৱাটোত মানা আছে সেইদৰেই “অসমী আই” বোলাটোতো মানা আছে৷

কৃষক নেতা- (মূৰটো জোকাৰি জোকাৰি)মই এই গানটোত ব্ৰাক্ষ্মণ্যবাদৰ গোন্ধ পাইছো৷ যেনেদৰে শৰ্মা,চক্ৰৱৰ্তী,ভট্টাচাৰ্য্যই যোৱা নিৰ্বাচনত দপদপাই আছিল ইয়াতো এজন ব্ৰাক্ষ্মণৰ হে গানটো কিয় বাছি লোৱা হ’ল? ইয়াৰ বিৰুদ্ধে আন্দোলন হব৷

চৰকাৰী মুখপত্ৰ- এই গানটোত অকল অসমীয়া মানুহৰ কথাহে কোৱা হৈছে,হিন্দু বাংলাদেশীৰ উল্লেখ নাই! শীঘ্ৰেই তেওঁলোকো বৃহত্তৰ অসমীয়া জাতিৰ এটা অভিন্ন অংগত পৰিণত হব৷ গানটোৰ সংশোধন হোৱা উচিত৷ ভাৰতৰ বাহিৰে হিন্দু বাংলাদেশীৰ আৰু কোন আছে?

যুৱ সাংসদ-ইয়াত “আই” মানে অকল মাইকী মানুহৰ কথাহে কোৱা হৈছে৷ মতা মানুহৰ উল্লেখ নাই৷ মই মাছৰেই মতা মাইকী উলিয়াই দিও, গান নো কি?

বুদ্ধিজীৱি- লক্ষ্মীনাথ নামটোতেই লক্ষ্মী মানে ধন আছে৷ বণিয়া,পুজিপতিৰ চৰকাৰত আৰু কি আশা কৰিব পাৰো ? সৰ্বহাৰাৰ কথা কোনে চিন্তা কৰিব?

প্ৰাক্তন মুখ্যমণ্ত্ৰী-আমাৰ চৰকাৰ থাকোতেই মই হেমন্তক এনেকুৱা এটা গান উলিয়াব কৈছিলো৷ আমাৰ দিনৰেই আঁচনিত পৰে এইটো৷ আৰু এটা কথা-গানটোত “আসাম” শব্দটো নাই ! মিছা ক’লে কিডাল হব?

জনজাতীয় সংগঠনৰ নেতা- গানটোত অসমৰ জনজাতি সমুহক উপেক্ষা কৰা হৈছে৷ অসমৰ ইতিসাহ,সমাজ ব্যৱস্থালৈ জনজাতি সমুহৰ অৱদান ইয়াত প্ৰকাশ পোৱা নাই৷

আম আদমীৰ নেতা- “চিকুনি” শব্দটোৰে পৰিস্কাৰ পৰিচ্ছন্নতাৰ কথা বুজোৱা হৈছে৷ ইয়াৰ জৰিয়তে “মোডীজীৰ স্বচ্ছ ভাৰত অভিযান”ৰ প্ৰচাৰ চলোৱা হৈছে৷ বেজবৰুৱাদেৱৰ ডিগ্ৰী লৈও আমাৰ সন্দেহ আছে৷ চব মিলে হুৱে হেই জী !

Wednesday, 11 January 2017

দাগ

এহাল লৰা ছোৱালীয়ে ইটোয়ে সিটোক
বহুত
ভাল পাইছিল। কিন্তু ছোৱালীজনীৰ
বাপেকে
সিহঁতৰ প্রেমক কোনোপধ্যেই গ্রহন কৰা
নাছিল। গতিকে দুৰন্ত প্রেমিক যুগলে
এদিন পলাই
যোৱাৰ কথা ভাবিলে। কথা মতেই কাম।
দুয়ো
মন্দিৰত বিয়া পাতি বেলেগকৈ থকা
ঠিৰাং কৰিলে। কিন্তু
ভাগ্যৰ বিৰম্বনা! ছোৱালীজনীৰ
বাপেকে গম
পালে কথাটো।
সিহঁতে মন্দিৰলৈ গৈ থাকোতেই
লৰাটোক
পিছফালৰ পৰা গাড়ী এখনে খুন্দিয়াই
উফৰাই দিলে।
তেজেৰে ৰাঙলী হৈ সি আহি তাইৰ গাৰ
ওপৰতে
পৰিল। হাতত খকা সেন্দুৰখিনি তাইৰ শুভ্র
চুইদাৰত ছিটিকি
পৰিল। তেজ আৰু সেন্দুৰে ৰাঙলী হৈ
পৰিল তাই।
সি নাবাচিল। ছোৱালীজনীক টানি
বাপেকে
গাড়ীত উঠাই লৈ গল।
.
.
.
.
.
.
.
.
চকুপানীয়ে বাট নেদেখা হল তাই।
খাবলৈ এৰি
দিলে। কিন্তু কোনে বুজিব তাইৰ দুখ
এতিয়া।
সেইদিনা ৰাতি তাই সপোনত দেখিলে
এজনী
বুঢ়ীয়ে কৈছে "তোমাৰ চুইদাৰৰ তেজ আৰু
সেন্দুৰৰ দাগ মচি পেলোৱা সোনকালে;
নহলে অথন্তৰ হব"
দুখত থকা বেচেৰীয়ে ইমান গুৰুত্ব
নিদিলে
সপোনটোত।
কিন্তু পাছদিনা আকৌ দেখিল একেটা
সপোন। এইবাৰ
অলপ ভয় খাই চুইদাৰযোৰ ধুলেগৈ। কিন্তু
ভালদৰে
দাগ নগল।
সেইদিনা ৰাতি আকৌ দেখিল তাই
একেই সপোন।
এইবাৰ অলপ খংত কলে বুঢ়ীয়ে।
তাই পিছদিনা আকৌ ধুলে মোহাৰি
মোহাৰি। কিন্তু
তথাপিও থাকি গল।
সেইদিনা ৰাতি বুঢ়ীয়ে পুনৰ তাইৰ
সপোনত দেখা
দিলে; বুঢ়ীয়ে এইবাৰ ৰুদ্রমূর্তি ধাৰণ কৰি
আহিছিল
আৰু তাইক কলে যে
.
.
.
"এইবাৰেই শেষ; যদি দাগ আতঁৰাব নোৱাৰ
বহুত
ডাঙৰ অথন্তৰ হব কাইলৈ"।
বেচেৰী ছোৱালীজনীয়ে পিছদিনা
দিনভৰজুৰি কাপোৰ ধুলে; বহু কষ্ট কৰিলে;
ভাগৰি
গলগৈ। কিন্তু তথাপিও দাগ নগল। তাই
বিৰাট ভয় খালে।
প্রার্থনা কৰিব ধৰিলে।
সেইদিনায়ে আবেলি তাই দুৱাৰত
টোকোৰ
শুনিলে। দুৱাৰ খুলি দিয়াত দেখিলে শুদ্ধ
শুভ্র
পোছাক পৰিধিত তাই সপোনত দেখা বুঢ়ী
জনী
আহি দুৱাৰদলিত; তাইৰ শুভ্র পোছাকৰ পৰা
কেউদিশে পোহৰ হৈ উঠিছে।
শিল পৰা কপৌৰ দৰে ঠৰ হৈ পৰিল তাই।
হাত ভৰি ভয়তে
কপিব ধৰিলে। বুঢ়ীয়ে একো নকৈ হাতত
থকা
নীলা বস্তু এটা তাইলৈ আগবঢ়ালে। কপা
কপা
মাতেৰে তাই সুধিলে কি হয় সেইটো
বুঢ়ীয়ে তেতিয়া কলে
.
.
.
.
.
.
.
.
.
"ৱাছিং পাউদাৰ নির্মা; ৱাছিং
পাউদাৰ নির্মা!
দুধ কি সাফেদি নির্মা ছে আয়ি
ৰংঙীন কাপৰে ভি খিল খিল যায়েই
সবকি পছন্দ হেই য়ে ৱহ
ৱাছিং পাউদাৰ নির্মা"....

Saturday, 17 December 2016

বিনামুলীয়া পৰামৰ্শ

নগেন দেৱালীৰ দিনা ৰাতি মালতীৰ লগত বন্ধু খগেনৰ ঘৰলৈ খানা খাবলৈ গল৷ ৰাতি বাৰটা মান বজাত ঘৰ আহি পাই দেখে দুৱাৰ খোলা আৰু গোটেই ঘৰ লন্ডভন্ড৷ চোৰ সোমাল৷ মালতীয়ে চিঞৰ বাখৰ লগালে পুলিচৰক খবৰ দিবলৈ৷ নগেনে বুলে ৰবাচোন, কিবা পালেহে নিব চোৰে৷ দাইনিং টেবুল খনৰ ওপৰত খাম এটা আৰু চিঠি এখন৷ নগেনে পঢ়িলে...

মহাশয়,
নমস্কাৰ গ্ৰহন কৰিব৷ আজি সুদিৰ্ঘ ১০ বছৰীয়া চোৰ জীৱনত শুদা হাতে উভতিব লগা হোৱাত অতি বিমৰ্ষ মনেৰে চিঠি খন লিখিব লগা হল৷ কেইটামান বিনামুলীয়া পৰামৰ্শ আপোনালৈ আগবঢ়ালো৷
১) ঘৰত কমেও দহ হাজাৰ মান টকা নগধ ৰাখিব৷ ঘপহকৈ কিবা বিপদত কামত আহিব৷ ৰাতিখন কত বেংক খুলা পাব৷
২) টিভি টো হলাবৰ হল৷ ইমান গধূৰ লৰচৰেই কৰিব নোৱাৰিলো৷ আজি কালি পাতল চেপেটা টিভি পাই৷
৩) পনী খাইছে কলহত থৈ পিচে ভাত খাইছে প্লাষ্টিকৰ প্লেটত৷ কাঁহৰ কাঁহি ব্যৱহাৰ কৰিব৷ স্বাস্থ্যৰ বাবেও ভাল আৰু বেচিলে বজাৰত দামো পোৱা যায়৷
৪) বহুত চেষ্টাৰে আলমাৰীটো খুলিলো কিন্তু থবলৈ যদি বস্তুয়ে নাই সেইটো জেগা বন্দি কৰি টৰঙাই থোৱাৰ কি প্ৰয়োজন?
৫) মানুহজনীক দুই এপদ আছল সোনৰ গহনাও দিব৷ বিপদত কামতো আহিব৷
৬) আপোনাৰ ধুনীয়া মানুহ জনীৰ যিহে Old fashioned কাপোৰ, মোৰ জনীয়ে সেইবোৰ কেতিয়াও নিপিন্ধে৷ খামটোত টকা এহেজাৰ থৈ গৈছো৷ মানুহজনীক ধুনীয়া গুলপীয়া শাৰী এখন কিনি দিব৷ আপুনি নাচায় নাই অন্তত আমি বুৰেই চাই শান্তি পাম৷
দেৱালীৰ শুভেচ্ছাৰে....... শ্ৰী মান চোৰ৷
...........  নগেন বেহুচ  ...........৷

Thursday, 1 December 2016

কিযে তোমাৰ সংগ প্ৰিয়ে ………

By: নিকুঞ্জ কাশ্যপ
নিউ দিল্লী ৰেল'ৱে ষ্টেচন  । গুৱাহাটি আভিমুখি উজনিমুৱা ৰেলখনত উঠিলোঁ । নিজৰ চিটতো বিচাৰি লৈ বহিচো । দীঘলিয়া উকি এটা মাৰি ট্ৰেইনখনে দিল্লী ষ্টেচন এৰিলে । ৰ'ব নোৱাৰা ফুৰ্তিত মিচিক কৈ হাঁহি এটা ওলাই আহিল ……কিমান দিনৰ পিছত যে ঘৰ গৈ আছো  ।
তেনেতে দুটা ট্ৰলি বেগ হাতত লেদিচ বেগ এটা লৈ সেমেনা-সেমেনীকৈ এজনী উৰ্বশী আহিল ।
- " আপুনি অসমৰ " (চিধাই মোকেই )

- " হে হে গামোচাখন দেখিয়েই ধৰিলোঁ  ।
মোৰ চিতটো কনফাৰ্ম হোৱা নাই তিনি নম্বৰ ৱেইটিঙতে আছো ।  আপুনিও গুৱাহাটি যাব ? "
মই বুজিলোঁ । উৰ্বশীয়ে বহিব বিচাৰিছে । মনতে মোৰ চিনেমা চিনেমা লগা  ভাৱনা অকমান আহিল মই যেন চেন্নাই এক্সপ্ৰেচৰ ছাহৰুখ খান  ,দিপীকাইহে আহি যেন মোক কৈছে । আয়ৈ দেহি ।
- অ বহা বহা । টি টি আহিলে কথা পাতি চাবা । এতিয়া বহি লোৱা ইয়াতেই । অসমৰে ছোৱালী ।
"বেগটো অকমান "
অ অ … বেগদুটা ধৰি মোৰ চিতৰ তলত সুমাই দিলোঁ | বাপ্পাঐ এক কুইন্টলমানৰ ট্ৰলি বেগ কি বা জানো ভৰাই আনিছিল ।
এবাৰ ভাবিছিলোঁ আজিকালি আকৌ ট্ৰেইনত হেনো উৰ্বশীৰ বেশ লৈ সহযাত্ৰী হৈ মোহিনী লগাই লুটপাত কৰি লৈ যায় ।  যিহে দিনকাল ।
হেই নহয় "আপোন ভালেই জগত ভাল" । আৰু তাতে অসমৰহে ছোৱালী । এইবিলাক ভাল বেয়া মনৰ ভিতৰত নিজে নিজে ভাবি আছিলোঁ । হ'লেও কথা-বতৰা খুব সাবধানে পাতিছো ।

 দিল্লীত পঢ়ে । মোতকৈ বেছি শিক্ষিতা । ঘৰ শিৱসাগৰত । দেউতাকৰ চাকৰি গুৱাহাটিত । ভায়েক টেটৰ মাষ্টৰ । টিকত কৰিছিলে এমাহ আগতে কনফাৰম নহ'ল । তৎকালটো কৰিছিলে তেওঁ নহ'ল ।  ইপিনে মাহীয়েকৰ বিয়া । সেইবাবে মৰসাহ কৰি ৱেইতিঙতে আহিছে তাকো অকলে  । নাম শতাব্দী ।
এক মিনিটো লগা নাছিল চাগে কথাখিনি কওঁতে ।  কথাবোৰ একেবাৰে শতাব্দী এক্সপ্ৰেচৰ দৰেই পট পট…। মই ভালকৈ ধ্যানসহকাৰে শুনা কাৰণেহে ধৰিব পাৰিছিলোঁ ।

- হ'ব এদযাষ্ট কৰিম দিয়া ।  যাব পাৰিবা দিয়া চিন্তা কৰিব নালাগে  । লাহেকৈ ক'লোঁ ।

 শতাব্দীয়ে পট পট কৈ গৈ থাকিল ঘৰৰ ,গাঁৱৰ ,হোষ্টেলৰ ,অমুক-তমুকৰ । মোৰো ভালেই লাগিল । বৰ খোলা মনৰ ছোৱালী আৰু যথেষ্ট সাহসী আৰু অভিজ্ঞ যেনো লাগিল । আৰু স্মৃতি শক্তিও সাংঘাতিক মোৰ লগত কথা পাতি পাতি ৱাতচএপটো চাতিং কৰি আছে
- " অসমৰে ল'ৰা এটা লগ পাইছো । তেওঁৰ চিটতে এদযাষ্ট কৰি বহিব দিছে । চিন্তা কৰিব নালাগে দে " ।
জানো কাক বা দি আছিল মেছেজটো । আৰু মোৰ সম্মুখতে মেছেজ টাইপিং লুকা চুৰিও নাই ।

"অই পেটলি " আগৰপিনে আৰু কিবাকিবি লিখিছিল ভালকৈ নাচালো ।

"আপোনাৰ অসুবিধা নহয়তু "। মেছেজটো লিখি থাকি মোৰপিনে চাই সুধিলে ।
 - নাই নাই একো নাই । মনে মনে হে বোলো কি অদ্ভুত ৰে এইজনী ।
কথাবতৰাবোৰো  শুনি শুনি একেবাৰে বহু পুৰণি বান্ধৱীৰ দৰেই হৈ পৰিলোঁ । সন্ধিয়া হ'ল । ট্ৰেইনতে ভাত পানী খাই ল'লোঁ । দিনত তাই বনাই অনা ৰুটি চব্জিকে খালোঁ । মোৰো এশ টকা এটা বাচিল ।
ভাত পানী খাই লাহে লাহে যাত্ৰীবোৰ শুব ধৰিছে । বেগৰ পৰা লেপটপটো উলিয়াই " অসমীয়া চিনেমা চোৱানে " ?
- ও চাওঁ মাজে মাজে ।
"জোন জ্বলে কঁপালত " লগাই দি লেপটপটো মোৰ হাতত দি দিলে ।
মোৰ অলপ মূৰটো বিষোৱা যেন লাগিছে  । অলমান শুই লওঁ । মোৰ বেগদুটাও  অলপমান চাবাদেই প্লিজ " ।
তাৰ পিছত ভৰিদুখন মোৰ পিনে দি শুই গ'ল । তাৰমানে তুমি এতিয়া চিনেমা চাই থাক মই শুই থাকোঁ ।
ৱাহ কি দিমাগ লগাইছে । দিল্লীত পঢ়া ছোৱালীটো । মোৰ চিত আৰু লেৱেল বেলেগৰ ।
  হ'ব দিয়া হে অসমৰে ছোৱালী । এইবুলি বহি বহি বেগ ৰখিয়া হৈ " জোন জ্বলে কঁপালত" চাব ধৰিলোঁ । তাৰ পিছত লাহে লাহে আৰম্ভ হ'ল নহয়  নাকৰ হোটোৰনী ।
কচমচে ছোৱালীয়ে নাক বজোৱা সেইদিনাই প্ৰথমবাৰ দেখিছিলোঁ । কি ঝেং ছোৱালী অ এইজনী ।
ভাবিছিলোঁ মাজতে এবাৰ শোৱাৰপৰা উঠি ক'ব চাগে  এতিয়া আপুনি অলপ শুই লওক ।
 পিছে ক'তা গোটেই ৰাতিটো নাক বজাই শুই থাকিল । আৰু মই লেপটপত "জোন জ্বলে কপালত",,"যৌৱনে আমনি কৰে "  চিনেমা চাই বেগ ৰখি ৰখি ৰাতি পুৱাই দিলোঁ ।
ৰাতিপুৱা শুই উঠিয়েই  " মোৰ ইমান টোপনি আহিল গমকে নাপালো আপুনি গোটেই ৰাতি বহিয়ে থাকিল নে মোক জগাই দিব লাগিছিল " ।
হে হে তুমি কিন্তু টোপনিত নাক বহুত বজোৱাদেই । ফুলশয্যাৰ নিশা ভুলতো টোপনি নাযাবা দৰা ভয় খাই দৌৰ মাৰিব । ৰাতিৰ খঙতে এবাৰ এনেকৈ কৈ দিও বুলিয়ে ভাবিছিলোঁ । পিছে লাজ পাব বুলি নকলো ।

গুৱাহাটি পাওঁ পাওঁ । চুলি ফণিয়াই ,ক্ৰিম পাউদাৰ লগাই ল'লে লেদিচ পাৰফিউমো মাৰিলে । মোকো সুধিলে " ল'ব নেকি "?
মইয়ো নলওঁ বুলি নকলো । চাৰ্টতো ঘামত গোন্ধাই আছিল । ঠিকচে লেদিচ পাৰফিউমকে মাৰি দিলো বাপ্পেকে । অৱশেষত ৰাতিপুৱা ১০ টামান  বজাত গুৱাহাটি আহি পালোঁ । এক এক কুইন্টেলৰ বেগ দুটা নমাইও দিলোঁ ।
লগ পাই  ভাল লাগিল । আকৌ কেতিয়াবা লগ পোৱাৰ প্ৰতিশ্ৰুতিৰে এইবুলি  ঘৰা ঘৰি হ'লোঁ ।  ল'ৰা এজনে শতাব্দীক নিব ৰৈ আছিল ।
" বয়ফ্ৰেইন্দ  এন্গেজমেন্ট হৈ গৈছে অহাবছৰ বিয়া "
চিনাকী কৰাই দিছিল ।
তাৰপিছত শেষ শব্দ দুটি ।  নমস্কাৰ । বিদায় ।
শতাব্দীৰ বয়ফ্ৰেইন্দৰ মুখলৈ চালোঁ । একেই শতাব্দী এক্সপ্ৰেচৰ দৰেই আৰু তাই নাক বজালেও ভয় খাই  পলোৱা জাতৰ নহয়  দেখিলেই গম পায় ।।

Wednesday, 30 November 2016

এনেকুৱাও হয়!

ষষ্ঠশ্ৰেণীৰ ছোৱালী এজনী প্ৰায় পাঁচদিন মান ধৰি অনুপস্থিত। পঢ়া-শুনাত আগ্ৰহী ছোৱালী তাই। স্কুল খতি নকৰেই। কি বা হ'ল!?
 লগৰখিনিক সুধিলো,"ৰীতাৰ কি হ'ল অ'? স্কুললৈ অহা নাইযে তাই? দৰ্খাস্তও দিয়া নাই। খবৰ পোৱানে কিবা?"
নলে-গলে লগা বান্ধৱী নিকিতা বোলাজনী থিয় হৈ টপ্ কৈ উত্তৰ দিলে, "বাইদেউ, ওৱাৰ কেঁচুৱা হৈছে। বহুত পেট দৰদ্ আছিল। হস্পিতেলত বন্ধ কৰিছে। মোক দৰ্খাস্ত লৈ আহিব কৈছিল, কিন্তু ডাক্তাৰবাবুৰ চহীটা নাই মিলিল, কাইলে' আনিম।"
শুনি থতমত্ খালো! হে হৰি! কেনে কথা এয়া!? কেইদিনমানৰ আগলৈকে স্কুলত ঢপলিয়াই ফুৰা সেই পেন্দুকনাজনী মাক হ'ল?? কি হ'ব এতিয়া তাইৰ!?
চিন্তা কৰি মূৰটো ঘূৰাই আহিল। শ্ৰেণীটোৰ চাৰিওফালে চকু ফুৰাই দেখিলো মোৰলগতে আৰু দুযোৰ কৌতুহলী আৰু চিন্তিত চকু। বাকীসকলৰ 'কিনো ডাঙৰ কথাটো হ'ল!?' যেন ভাৱ।
"বাইদেউ, দেওবাৰে এৰিব হস্পিতেলৰ পৰা। চ'মবাৰচে আহিব স্কুল।" নিকিতাই আকৌ ক'লে।
তিনিযোৰ অবাক চকুৰ চেলাউৰি থুপ খালে আকৌ একেলগে...."আৰু কেঁচুৱাটো!?""ডাক্তাৰবাবুৱে দৰৱ দি কেঁচুৱাটা মৰাই দিলে ত'। আমি চাব গৈছিলোঁ হস্পিতেলত।
ডাক্তাৰবাবুৱে আমাক ভী খাব দিলেকেঁচুৱা মৰা দাৱাই।"
"তাৰমানে!???" আমি তিনিওটাই চিঞৰিলো।
প্ৰথম শাৰীত বহি মিচিক মিচিক হাঁহি থকা অলপ বুজন ল'ৰাটোৱে থেৰো-গেঁৰোকৈ থিয় হৈ লাহেকৈ ক'লে, "বাইদেউ, ৰীতাৰ পেলু হৈছে। পেলুক আমাৰ ভাষাত কেঁচুৱা বুলি কওঁ।"

মুহূৰ্তৰ আগলৈকে কৌতুহল আৰু চিন্তাত থূপ খাই থকা আমাৰ তিনিযোৰ চকু হাঁহিত টল্ মল্!

আৰু শ্ৰেণীটোৰ বাকীসকলৰ অবাক চাৱনি 'এতনা বুৰ্বক্ লাগে এ' বাইদেউটা! এইটা ভী নাই জানেলা!!'

 ( ৰূপাঞ্জলী চেতিয়া)

Friday, 25 November 2016

এটা শব্দত প্ৰকাশ কৰা

এটা শব্দত প্ৰকাশ কৰা----

এজন ৰজাই যদি কৰিবলগীয়া কামটো পাহৰি যায় তাক কি বুলি কোৱা হ'ব বাৰু
=কিং(King)কৰ্তব্যবিমূঢ়

আমেৰিকালৈ গৈ তাতে বগৰী কিনিলে সেই বগৰীক কি বুলি কোৱা হ'ব??
=ডলাৰ(Dollar) বগৰী

যিজন ব্যক্তিয়ে বেছিকৈ ঘুৰি নুফুৰে,ঘৰতেই থাকে। ফুৰাত ৰাপ নাই, তেওঁক কি বুলি কোৱা হয় =অফুৰন্ত

বেছি জনা লোক =জানোৱাৰ।

বিশেষ ভাবে অজ্ঞ ব্যক্তি =বিশেষজ্ঞ

কামৰ পৰা মূৰ তুলিব নোৱাৰা লোক = কামুক

কাম কৰি ভাল পোৱা লোক =কামাতুৰ

ভাত খাবৰ কাৰণে পেটটো কুটকুটাই থকা =ভাকুটকুত

ভাত খোৱা মানুহ =ভতুৱা

ঘূৰি ফুৰা মানুহ =ঘূৰনীয়া

পত্নী ৰ কথা মতে নচা পতি= নাচপতি

মূৰত চুলি নথকা লোক = মুকলিমূৰীয়া

দূৰলৈ উৰিব পৰা = দূৰন্ত

কাণৰ তলত মৰা চৰ = কাণতলীয়া চৰ

 খেলি থাকোতে মুখখন মেলি দিয়া কাৰ্য = খেলিমেলি

খিলখিলাই হাঁহি বেয়া পোৱা মানুহ =অখিল

ঘড়ী পিন্ধা মানুহ =ঘঁৰিয়াল,

নিপিন্ধা মানুহবোৰ= অঘড়ী

ৰ আৰু যা =ৰজা

চা চোন কৰি-চাকৰি

পতনৰ বাবে অঞ্জলি দিয়া =পতঞ্জলি

মূখ্য ব্যক্তি লগতে মন্ত্ৰী = মূখ্যমন্ত্ৰী

যি লংকাৰ নহয়-অলংকাৰ

গৰু গৰু নোগোন্ধাবলৈ যি লগোৱা হয়= অগৰু

যি সংসাৰত পতিৰ দম বেছি = দম্পতি ।

Monday, 21 November 2016

বিবাহ বাৰ্ষিকী


Source: ৰগৰ
নিজৰ দৰেই দুখীয়া ঘৰৰ ছোৱালীজনিক বিয়া কৰাই আনি ,

সি

আজি চহৰৰ ভাৰাঘৰত থকা প্ৰায় এবছৰেই হ'ল । ৰিক্সা চলাই দুবেলা দুসাজ খাই যেনে তেনে হ'লেও চলি আছে ।

অভাৱত চলিলেও পতি-পত্নীৰ মৰমে সকলো দুখ কষ্ট লাঘৱ কৰি দিছিল ।

গধূলি ঘৰত সোমোৱাৰ লগে লগে তাই গা ধুৱা ঘৰত তাৰ বাবে পানী গোটাই দিয়ে । অৱশ্যে মাজে মাজে ৰাতিপুৱা , সিও তাই গা ধুৱা পানী গোটাই নিদিয়া নহয় !!

কাৰেণ্ট নথকা ঘৰটোত , খোৱাৰ সময়ত বিচনীৰে বিচি দিয়াতো তাইৰ দৈনিক ৰুটিন । ভৱিষ্যত সজোৱাৰ গল্পৰে অদল বদল কৰি দুয়ো ৰাতিটো বিচনি মাৰি থাকে । গল্প কৰি কৰি কেতিয়া দুয়ো টোপনিত ঢলি পৰে গমেই নেপায় !!

,

ৰিক্সাত বহুতো ধনী দম্পতি উঠে । তেওঁলোকৰ মাজত আলোচনা হোৱা সকলো কথা বুজি নেপালেও সি , পাৰ্টী , গিফ্ট আদি কিছুমান কথা বুজি পায় ।

নিজৰ পত্নীক দামী শাৰী এখন গিফ্ট দিবলৈ তাৰো বৰ মন যায় । পিছে……

,

জমা টকা বুলি ক'বলৈ , মাটিৰ টেকেলিটোতে যি আছে ,আছে আৰু !!

,

অভাৱৰ সংসাৰ খনে , চাওঁতে চাওঁতে আজি এবছৰত ভৰি দিলে ।

ৰিক্সাখন লৈ ওলোৱাৰ আগতেই আজি সি , পত্নী পাকঘৰত থকা অৱস্হাতে মাটিৰ টেকেলিটো ভাঙি পেলালে । সৰ্বমুঠ ৪৮০ টকা ওলাল ।

ওলাই যোৱাৰ মুহুৰ্তত সি মাথোন এটা কথাই ক'লে = আজি অলপ দেৰি হ'ব দেই !!

,

দিনতো ৰিক্সা চলাই সি , ৮ বজাত বজাৰৰ এখন কাপোৰৰ দোকানত সোমাল । উদ্দেশ্য ,, মৰমৰ পত্নীৰ বাবে এখন শাৰী কিনা ।



কিন্তু



দোকানখনত হাজাৰৰ তলত কোনো শাৰীয়েই নাই !! অৱশেষত সি ফুটপাথৰ এখন দোকানত সোমাল আৰু পত্নীৰ পচন্দৰ ৰং আকাশী নীলাৰ এখন শাৰী কিনিলে । মূল্য ৪৫০ টকা ।

ভগবানক সি , এনেবোৰ দোকান থকাৰ বাবে ধন্যবাদ দিলে ।

বাকী থকা ৩০ টকাৰ লগত তাৰ দিনৰ ইনকমৰ ২০ টকা দি এপোৱা ব্ৰয়লাৰ মাংস লৈ সি ঘৰমুৱা হ'ল ।

বহুত দিনৰ পিছত পত্নীক কিবা এটা দিব পৰাৰ আনন্দত সি আত্মহাৰা হ'ল ।

,

মাংসকন সি নিজেই বনালে । খাই বৈ সি বিচনাত পৰি ৰাতি ১২ বজালৈ অপেক্ষা কৰি আছে । ১২ বজাৰ লগে লগে মানুহজনিক জগালে আৰু হাতত শাৰীখনৰ পেকেটটো তুলি দি

ক'লে = আজি আমাৰ প্ৰথম বিবাহ বাৰ্ষিকি । এবছৰৰ আগতে থিক আজিৰ দিনটোতেই তুমি মোৰ জীৱনলৈ আহিছিলা । তোমাৰ বাবে এটা সামান্য উপহাৰ !!

,

শাৰীখন বুকুত সাৱতি মানুহজনিৰ চকুৱেদি লোতক বাগৰি আহিল ।

,

তাৰপিছত

তাই উঠি গৈ শাৰীখন ট্ৰাংকত ভৰাই থলে আৰু তাৰপৰা কিবা এটা ওলিয়াই আনিলে । অলেখ চেষ্টা কৰিও তাই কি ওলিয়াইছে সি ধৰিব নোৱাৰিলে ।

,

ট্ৰাংকটো বন্ধ কৰি তাই , তাৰ হাতত এটা নতুন চোলা তুলি দিলে ।

আছৰিত হৈ সি সুধিলে = ইমান টকা তুমি ক'ত পালা ?

,

তাই ক'লে = চাৰিমাহ মানৰ আগৰ পৰা , প্ৰত্যেকসাজ বনোৱাৰ আগতেই এমুঠি কৈ চাউল ৰাখি গৈছিলো । পৰহি কাষৰ খূড়ীক বিক্ৰি কৰি পোৱা টকাৰে, কালিয়েই দিনত চোলাটো আনি থৈছিলো । মই কিবা বিবাহ বাৰ্ষিকী পাহৰিব পাৰো

নেকি ??

,

মুকবধিৰ হৈ সি চোলাটো লুটিয়াই পুতিয়াই চাই থাকিল ।

___ জানানে !! ডাঙৰ ডাঙৰ মানুহবোৰে বিবাহ বাৰ্ষিকিত কেক কাটে ।

___ আমি বাৰু ক'ৰ পৰা কাটিম ?

___ ঘৰত মুড়ি আছেনে ?

___ আছে ।

___ অলপ মিঠাতেল দি মুড়ি লৈ আহা । লগতে পিয়াজ আৰু জলকীয়া এটাও লৈ আনিবা ।

___ থিক আছে ।

#

#

টিংৰ ফাকেৰে জোনৰ পোহৰ ৰুমটোলৈ সোমাই আহিছে । বিচনাত বহি দুয়োজনে মুড়ি খাই নিজৰ বিবাহ বাৰ্ষিকি পালন কৰিছে !!

,

সৰু সৰু উপহাৰ আৰু অফুৰন্ত মৰমৰ মাজতেই বাচি থাকক সৰু সৰু মানুহৰ জীৱন !!!!!

Saturday, 19 November 2016

অনিল নগৰ

Hahir Rahghra

ৰাতিপুৱা টিভিটো অন কৰিয়েই বৰুৱানীয়ে চিঞৰিলে , " হেৰা, মই আৰু এই ঠাইত নাথাকো, অনিল নগৰৰ ফালে মাটি কিনা।"

বাথৰূমৰ পৰাই বৰুৱা,"কিয় ? ইয়াত কি অসুবিধা পাইছা?"

বৰুৱানী : একো অসুবিধা পোৱা নাই কিন্তু মোক অনিল নগৰত ঘৰ লাগে ।


বৰুৱা : কিন্তু তাত চোন অলপ বৰষুণ দিলেই বানপানী হয়।

বৰুৱানী : হওঁক।

বৰুৱা : নতুনকৈ মাটি কিনিবলৈ পইচা ক'ত?

বৰুৱানী : মই নাজানোঁ পইচা ক'ত? লাগিলে এই ঘৰ মাটি বিক্ৰী কৰা ।

বৰুৱা : কিন্তু কিনিব কোনে ? নতুন পইচা পুৰণি পইচাক লৈ সকলো ব্যস্ত । বিক্ৰী কৰি পোৱা টকা সলাবলৈ কিমান অসুবিধা হ'ব ভাবি চাইছানে?

বৰুৱানী : মই সেইবোৰ একো নাজানোঁ । অনিল নগৰত ঘৰ লাগে বচ্।

বৰুৱা : কিন্তু আজি হঠাতে নবীন নগৰৰ প্ৰেমত পৰিলা যে কিয় ?

বৰুৱানী : তুমি নিউজ চালেহে বুজিবা, অনিল নগৰত লাখ লাখ টকা ওলাইছে আজি ।

বৰুৱা : তাৰমানে তোমাক সেই টকা লাগে । তুমি মাটি কিনি তাত ঘৰ বনোৱালৈ তোমাৰ বাবে তাত কোনোবাই টকা পেলাই থব নেকি ?

বৰুৱানী : তুমিও যে আৰু !! তাত পৰি থকা টকা নালাগে মোক । কিন্তু চোৱাচোন বানপানীয়ে হওঁক বা পেলনীয়া টকাই হওঁক অনিল নগৰ নিউজত আহিয়েই থাকে । ইমান বছৰ ইয়াত থাকি কোনোবাদিনা টিভিত উঠিলা নে? তাত অন্ততঃ ঠাইৰ নামটো টিভিত আহি থাকিলে আমিও অনিল নগৰৰ বাসিন্দা বুলি লেবেল দিব পাৰিম। তোমাৰ গাৱঁৰ সেই বৌৱেৰা হ'তে জ্বলি মৰিব।

বৰুৱা : ????

কাঠৰ বল

From: hahir rahghara

এজন ক্ষীণ মীণ গাল সোমাই হনু ওলোৱা মানুহে দাড়ি কাটিবলৈ চেলুনলৈ গ'ল ।

নাপিতে মুখত ক্ৰীম লগোৱাৰ পিছত মানুহজনে ক'লে = অলপ সাৱধানে কাটিবি । গাল দুখন সুমোৱা বাবে দাড়ি কাটিবলৈ অসুবিধা হয় আৰু প্ৰায়েই গালত কাটে ।

আপুনি চিন্তা কৰিব নালাগে। এইবুলি কৈ নাপিতজনে এটা কাঠৰ সৰু বল ওলিয়ালে আৰু মানুহজনক ক'লে = এইটো মুখত ভৰায় লওক । মই যিখন গালৰ ফালে দাড়ি কাটিম আপুনি বলটো সেইফালেই দি দিব ।


মানুহজনে বলটো মুখত লৈ দাড়ি কটাৰ ফালে দি দিলে আৰু গালখন ফুলি গ'লত নাপিতে অনায়াসে দাড়ি কাটিলে ।এনেতে মানুহজনে সুধিলে = বলটো যদি পেটলৈ গুচি যায় , তেতিয়া কি হ'ব ?

নাপিতে ক'লে = একো কথা নাই । কালিলৈ ধুই মেলি ঘূৰাই দিলেই হ'ল ।

আগতে চাৰিপাঁচজন মানে তেনেকৈয়ে ঘূৰাই দিছে ।।

পৰীক্ষা

মিছা কলে কি দাল হব.. ছোৱালী ত কৈ লৰাৰ মন বহুত ভাল ৷..............?? পৰীক্ষাৰ হলত দুই বান্ধৱীৰ কথোপকথন —
১ম বান্ধৱীঃ - এই, ৭নং টো
লিখিছানে ?
২য় বান্ধৱীঃ - নাই লিখা, ৭নং টো
ভালদৰে পৰা নাই অ' ।
১ম বান্ধৱীঃ - ৮ নং টো লিখিছা ?
২য় বান্ধৱীঃ - না, সেইটো নিদিওঁ দেই !
১ম বান্ধৱীঃ - ৯ নং টো পাৰিছানে ?
২য় বান্ধৱীঃ - নাই ।
১ম বান্ধৱীঃ - ১০ নং টো একা ?
২য় বান্ধৱীঃ - লিখিছো, অলপ বনায়
বনায় !!
এইবাৰ ৰিজাল্টৰ পাচত সেই দুই বান্ধৱীৰ
কথোপকথন—
১ম বান্ধৱীঃ - কিমান পালি ?
২য় বান্ধৱীঃ - বেছি পোৱা নাই !
১ম বান্ধৱীঃ - তথাপিও ক'চোন !
২য় বান্ধৱীঃ - ৯৫ ।
১ম বান্ধৱীঃ - ৯৫ পাইচ্, তথাপিও কৈচ্
বেছি পোৱা নাই ! কিন্তু তোকতো ৪টা
প্রশ্ন সুধোতে তই নাজানো বুলি
কৈছিলি আৰু এতিয়া কেনেকৈ ৯৫
পালি ?
----------------------
পৰীক্ষাৰ হলত দুই বন্ধুৰ কথোপকথন —
১ম বন্ধুঃ - দোস্ত, ৭ নং লিখিছনে ?
২য় বন্ধুঃ - হুম ।
১ম বন্ধুঃ - দেখা ।
২য় বন্ধুঃ - ধৰ ধৰ, বহীখন ধৰ । বিন্দাছ
লেখ, কিন্তু সাৱধান !!
১ম বন্ধুঃ - থেংকচ দোস্ত । পাচ কৰিম
নহয় ?
২য় বন্ধুঃ - চাল্লা, মই পাছ কৰিলে তয়ো
পাছ কৰিবি । এতিয়া লেখ ।
এইবাৰ ৰিজাল্টৰ পাচত সেই দুই বন্ধুৰ
কথোপকথন—
১ম বন্ধুঃ - দোস্ত, থেংকচ !! তোৰ কাৰণে
পাছ কৰিছো বে....!
২য় বন্ধুঃ - চাল্লা, পাৰ্টি নোখোৱালে
চাবি কিন্তু !! কিমান পালি ?
১ম বন্ধুঃ - ৯০ !!
২য় বন্ধুঃ - আবেই, তইতো মোৰ
গোটেইখনেই কপি কৰিছিলি । কিন্তু কিয়
মোতকৈ ৫ নম্বৰ কম পালি ? বানান ভুল
কৰিছিলি নেকি ?

Monday, 14 November 2016

আছৰিত মিল

উৎস: ৰগৰ
বাৰত হুইস্কীৰ অৰ্ডাৰ দি মানুহজন
বহিছিলহে, তেনেতে এগৰাকী মহিলা
আহি বহিল আৰু সেই সময়তে ৱেটাৰ জনে
মানুহজনৰ সন্মুখত ব্লেক ডগৰ বটল এটা,
গিলাছ আদি ৰাখি গ'ল ৷ মহিলাগৰাকীয়ে
ক'লে-
মহিলাঃ আৰে ৱাহ, আপোনাৰ আৰু মোৰ
পচন্দ কি অদ্ভূত ধৰনে মিলি গৈছে, ময়ো
ব্লেক ডগৰ অৰ্ডাৰ দি আহিছো ৷
পুৰুষঃ কেতিয়াবা হৈ যায়, মই অৱশ্যে
আজিহে এই ব্ৰেণ্ডটোৰ অৰ্ডাৰ দিছো ৷
মহিলাঃ কি আছৰিত মিল, ময়ো আজিহে
ফূৰ্তিতে ব্লেক ডগ খাম বুলি অৰ্ডাৰ দিলো

পুৰুষঃ হয় নেকি? ময়ো ফূৰ্তিতেই অৰ্ডাৰ
দিছিলো দামী মদৰ ৷ পিছে আপুনি কিহৰ
ফূৰ্ত্তিত আছে বা ?
মহিলাঃ আমাৰ বিয়া হোৱা চাৰিবছৰ হৈ
গ'ল যদিও সন্তানৰ মুখ দেখা নাছিলো আৰু
বহু অপেক্ষাৰ অন্তত বৰ্তমান মই
সন্তানসম্ভৱা বুলি ডাক্তৰে ৰিপৰ্ট দিছে ৷
আপোনাৰ বিষয়ে কওকচোন, আপোনাৰ কিয়
ফূৰ্ত্তি লাগিছে?
পুৰুষঃ দৰাচলতে মই এজন খেতিয়ক, মোৰ এখন
মুৰ্গীৰ ফাৰ্ম আছে আৰু সম্পূৰ্ণ দুবছৰ দিন
কণী নপৰাকৈ থকা মুৰ্গীখিনিয়ে আজিৰ
পৰা কণী পৰা আৰম্ভ কৰিছে ৷
মহিলাঃ সাংঘাটিক মিল আছে দেই
আপোনাৰ আৰু মোৰ ফূৰ্ত্তিৰ মাজত ৷ পিছে
আপুনি কি কৰিলে যে, মুৰ্গীখিনিয়ে কণী
পৰা আৰম্ভ কৰিলে?
পুৰুষঃ মই কেইদিনমানৰ পৰা মুৰ্গীৰ গৰাঁলত
য'ৰ ত'ৰ পৰা বেলেগ বেলগ মতা মুৰ্গী আনি
সলাই সলাই ৰাখিবলৈ ধৰিলো আৰু আজি
সিহঁতে কণী পৰা আৰম্ভ কৰিছে ৷
মহিলাঃ বাঃ আছৰিত মিল আছে দেই ৷
পুৰুষঃ কিইইইইইই ????????

Sunday, 13 November 2016

কাজিয়া

By: Rana Mantu Das [Source : Rogor]
স্বামীৰ পেছা মানে প্ৰফেচন অনুযায়ী সেইসকলৰ পত্নীৰ স্বামীৰ লগত কাজিয়া কৰাৰ ধৰণো ভিন ভিন হয়‼‼
❇ৰাজনীতিকৰ পত্নী : হ'ব, হ'ব; ৰাইজখনত দিয়া দি মোক ভুৱা আশ্বাসবোৰ নিদিলেও হ'ব !!
❇শিক্ষকৰ পত্নী : মোক শিকাবলৈ চেষ্টা নকৰিবা, কৈ দিছো !!
❇অভিনেতাৰ পত্নী : বেছি নাটক কৰি দেখুৱাব নালাগে !!
❇পাইলটৰ পত্নী : বৰ বেছি উৰিছা কিন্তু, সাৱধান !!
❇ধোবাৰ পত্নী : একদম ধুই পেলাম কিন্তু !!
❇ডেণ্টিষ্টৰ পত্নী : বেছি লেটি-পেটি কৰিলে দাঁত কিন্তু এটাও নাথাকিব, কৈ দিছো হ'লে !!
❇একাউণ্টেণ্টৰ পত্নী : ময়ো কিন্তু চব হিচাপ জমা ৰাখিছো; সুদে-মূলে কেনেকৈ আদায় কৰিব লাগে, সেই কথা মই জানো !!
❇আৰ্কিটেক্টৰ পত্নী : ভালে ভালে চিধা হোৱা; নহ'লে চেহেৰাৰ ডিজাইনেই সলনি কৰি দিম !!
❇দোকানীৰ পত্নী : মোক কি সস্তীয়া মাল পাইছা নেকি !!
❇কচাইৰ পত্নী : কাটি টুকুৰা টুকুৰ কৰিলেহে গম পাবা !!
❇মাছুৱৈৰ পত্নী : মৰিয়াই একেবাৰে শুকান মাছ বনাই দিম কিন্তু, গম পাইছা !!
❇প্ৰবাসীৰ পত্নী : যোৱা তিনি মাহে ঘৰলৈ আহিবলৈ সময় নোলাল যেতিয়া তাতে এখন সংসাৰ পাতি লোৱা !!
❇সাংবাদিকৰ পত্নী : কোনোবাদিনা তোমাকো সংবাদৰ হেড-লাইন কৰিম !!
❇কাঠ-মিস্ত্ৰীৰ পত্নী : পিতি পিতি তক্তা বনালাহে বুজিবা !!
❇ৰাজমিস্ত্ৰীৰ পত্নী : ইটা মাৰি মূৰ ফালি দিম !!
❇উকীলৰ পত্নী : হ'ব, হ'ব; আমাক আইন শিকাবহি নালাগে !!
❇আৰক্ষীৰ পত্নী : মোক তোমাৰ লাঠী দেখুৱাবলৈ নাহিবা; আইন-কানুন আমিও জানো !!

Wednesday, 9 November 2016

চাইকেল

তিনিজন বন্ধু মৃত্যুৰ পিছত স্বৰ্গলৈ গল । স্বৰ্গৰ দ্বাৰপালে তেওঁলোকক সুধিলে পৃথিৱীত থাকোতে তোমালোকৰ প্ৰেমিকা কিমান আছিল ।
প্ৰথম বন্ধু : মোৰ ৪০ গৰাকী আছিল । দ্বাৰপাল : তোমাক স্বৰ্গ চাবৰ বাবে এখন চাইকেল দিলোঁ ।
দ্বিতীয় বন্ধু : মোৰ ১০ গৰাকী প্ৰেমিকা আছিল । দ্বাৰপাল : তোমাক স্বৰ্গ চাবলৈ এইখন স্কুটাৰ দিলো ।
তৃতীয় বন্ধু : মই কেবল মোৰ পত্নীৰ লগতে প্ৰেম কৰিছিলো । দ্বাৰপাল : তোমাক স্বৰ্গ চাবৰ বাবে এইখন গাড়ী দিলো । কেইদিনমানৰ পিছত তৃতীয় বন্ধু মন মাৰি থকা দেখি বাকী দুজন বন্ধুৱে সুধিলে ,তুমি স্বৰ্গত গাড়ী পাইছা ,তথাপি মন মাৰি আছা কিয় ?? তৃতীয় বন্ধু : নহয় হে ,কালি দেখিলো মোৰ পত্নীয়ে স্বৰ্গত চাইকেল চলাই আছে ।।

Saturday, 5 November 2016

ঘৰুৱা দিহা

১) ঘৰত নিগনি ওলালে কি কৰিব?

- এদিন দেওবাৰে আপুনি ভগা হেতা আৰু থাল এখন লৈ মজিয়াত বহি যাব। তাৰ পাছত ফোনটো হাতত লৈ এঘণ্টামান কাৰোবাৰ লগত মিহি মিহি কথা পাতিব, যেতিয়ালৈকে সিজনাই নকয়- তোমাৰ মাতটো ইমান মিঠা, গান গালে বৰ ভাল লাগিব।

তাৰ পাছত আপুনি থালখনত হেতাৰে মৰিয়াই মৃদু সংগীত উৎপন্ন কৰি মধুৰ কণ্ঠেৰে গীত গোৱা আৰম্ভ কৰক। আপোনাৰ গীত শুনি নিগনি বিলাক গাতৰ পৰা ওলাই আহি নৃত্য কৰা আৰম্ভ কৰিব।

সিহঁতৰ ভাগৰ লগালৈকে নচুৱাই থাকক। এসময়ত নিগনিবোৰ ভাগৰি মাটিত ঢলি পৰিব। আৰু আপুনি এটা এটাকৈ উঠাই পলিথিন এটা ভৰাই, টানকৈ গাঁঠি মাৰি ডাষ্টবিনত পেলাই দিয়ক।

২) বেছিকে মহ ওলালে কি কৰিব?

- আঠুৱাত ফুটা থাকিলে সেই ফুটাৰে মহ সোমাই আপোনাক বৰ কামুৰিব পাৰে। তেতিয়া আপুনি এটা কাম কৰিব। ফুটাটোৰ বিপৰীত ফালে আঠুৱাখনত আৰু এটা ফুটা কৰি দিব, আৰু দুইটা ফুটাৰ মাজত এডাল পাইপ লগাই দিব। মহ এটা ফুটাৰে সোমাব আৰু পাইপৰ মাজেৰে গৈ ইটো ফুটাৰে বাহিৰ হৈ যাব।

- এইটো উপায়ে কাম নকৰিলে আৰু এটা বুধি কৰিব পাৰে। আঠুৱাখন এফালে অলপ ডাঙি কিছু দেৰি বহি থাকিব।
"সিন্ধি খুজি ফুৰন্তে দুৱাৰে পাইলো পথ" বুলি মহবোৰ হো- হোৱাই আপোনাৰ আঠুৱাৰ ভিতৰলে সোমাব। কিছুদেৰিৰ মুৰত যেতিয়া সকলো মহ আঠুৱাৰ ভিতৰত সোমাব, আপুনি পতকৈ আঠুৱাখনৰ তলফালে গাঁঠি এটা মাৰি বাহিৰত শুই থাকিব। আঠুৱাৰ ভিতৰত মহবোৰ খাবলৈ নেপায় এনেই মৰি যাব।

৩) মাখিৰ উৎপাত কিদৰে ৰোধিব?

- এটা বাতিত চূন আৰু নিমখ মিহলাই পাকঘৰত থৈ দিয়ক। মাখিয়ে সেইটোক মিঠাই বুলি খাই দিব আৰু লগে লগে নিমখৰ কোবত পিয়াহত ৰব নোৱাৰা হব। সি পানী খাবলৈ পুখুৰী বা কুৱাৰ ওচৰলে গ'লেই আপুনি তাক গতা মাৰি পানীত পেলাই দিয়ক। তাৰ পাখি কেইখন তিতি যাব আৰু তাকে শুকুৱাবলৈ সি জুইৰ ওচৰলৈ যাব। সেই সুযুগতে আপুনি জুইত এটা গ্ৰেনেড দলিয়াই দিয়ক। গুৰুতৰ ভাৱে আঘাত প্ৰাপ্ত হৈ মাখি হস্পিটেলত পৰি থাকিব। আৰু সেইদিনা ৰাতি আপুনি মনে মনে গৈ তাৰ অক্সিজেনৰ পাইপডাল খুলি দিব। মাখি নমৰিলে পইচা ৱাপচ।

৪) পইতাচোৰা কেনেদৰে নিয়ন্ত্ৰণ কৰিব?

- নোৱাৰে, আৰু পাৰিলেও নকৰিব। সেইটোৱেই একমাত্ৰ বস্তু যিটোলৈ আপোনাৰ পত্নীয়ে ভয় কৰে।

Abhijit kalita

তোমাক কথা এটা ক'ব লগা আছে

চুনু:- জানু, তুমি মোক মাফ কৰিবা, তোমাক কথা এটা ক'ব লগা আছে ৷
বয়ফ্ৰেণ্ড:- আৰে, মাফ কৰিব লগীয়া কি কথা আছে, কোৱা ডিয়েৰ ৷
চুনু:- মই তোমাক কোৱা নাছিলোঁ, মোৰ বিয়া ঠিক হৈ আছে, অহা সপ্তাহত বিয়া ৷ তোমাৰ বহুত লোকচান কৰিলো নিজৰ স্বাৰ্থ পূৰণৰ বাবে, মাৰ্কেট, ৰেষ্টোঁৰাত বহুত খৰচ হ'ল তোমাৰ, প্লিজ মাফ কৰি দিবা মোঁক ৷
বয়ফ্ৰেণ্ড:- আৰে পাগলী, তুমি মোক এতিয়া কন্দুৱাইহে এৰিবা, বাদ দিয়া এইবিলাক কথা, ব'লা আজি তোমাক মোৰ মিছেচ আৰু ল'ৰা ছোৱালী হালৰ লগত চিনাকি কৰাই দিম ৷
চুনু :- বেহ্হোছ

Saturday, 28 May 2016

বোৰ্ণভিতা

From Rogor:
বহুত ক্ষীণ একপ্ৰকাৰ হাড়ে চালে লগা লৰা এজন বাটেৰে গৈ আছিল ।
:
এজনী খুৱ ধুনীয়া ছোৱালী দামী গাড়ী এখনত আহি লৰা জনৰ কাষত ৰখি দিলে । আৰু গাড়ীত উঠিবলৈ অনুৰোধ কৰিলে ।
:
লৰাজনে ভাবিলে ...... ইমান ধুনীয়া আৰু ধনী মানুহৰ ছোৱালীয়ে তাক অনুৰোধ কৰিছে !! যদি এইৰ লগত মই বিয়া হওঁ খুৱ ধনী হম আৰু সুখেৰে থাকিব পাৰিম ।
:
লৰাজন যাবলৈ মান্তি হ'ল আৰু গাড়ীত বহি ললে ।
:
ছোৱালী জনীয়ে তাইৰ ঘৰলৈ লৈ গ'ল । ঘৰ মানে তাইৰ খুৱ ধুনীয়া অট্টালিকা ।
:
ছোৱালী জনীয়ে লৰাজনক একেবাৰে ডাইনিং ৰুমলৈ লৈ গ'ল আৰু বহিবলৈ দি তাই অপেক্ষা কৰিব কলে ।
:
লৰাজনে আনন্দতে কি কৰো কি নকৰো লাগিল ।
:
অলপ পিছত ছোৱালী জনীয়ে দুটা সৰু লৰা ছোৱালী লৈ আহিল আৰু লৰাজনক দেখুৱাই কলে ..................
চোৱা বাবা মাইনা যদি বোৰ্ণভিতা নোখোৱা এই আংকল জনৰ নিচিনা হবা ।

গৰুৰ বিষয়ে ৰচনা

অসমীয়া ক্লাছত গৰুৰ বিষয়ে ৰচনা লিখিবলৈ দি চাৰ অলপ বাৰান্দাত ৰল। ৫ মিনিটৰ পিছত মন্টু বহী লৈ চাৰৰ ওচৰ পালেগৈ।
চাৰ:-ভাল হৈছে ভাল হৈছে। যা, এইবাৰ শংকৰদেৱৰ বিষয়ে লিখ গৈ।
মন্টুয়ে কেৱল গৰুৰ বিষয়েহে জানে। লাগিল লেঠা। সিও কম ভকত নহয়। জেপৰ পৰা মুখত এটা mintofresh ভৰাই লিখিবলৈ start কৰিলে।
শংকৰদেৱ আমাৰ গুৰু।তেওঁ সৰুতে আমাৰ দৰে আছিল। তেওঁ সৰুতে সাতুৰিব পাৰিছিল। তেওঁ এবাৰ এটা ষাঁৰ গৰু বগৰাই দিছিল। ষাঁ‌ৰ হ'ল এটা ডাঙৰ গৰু। গৰু পোহনীয়া জন্তু। গৰুৰ ঠেং চাৰিখন। গৰুৰ কান দুখন। পিছৰ খিনি আগৰ গৰু ৰচনাখনকেই লিখি দিলে
মুখত বিন্দাছ হাঁহি মাৰি মন্টু চাৰৰ ওচৰত। চাৰে ভাবিলে ৱা ই দেখুন গৰুৰ বিষয়েহে লিখিলে। ৰহ এইবাৰ বেলেগ দিও।
চাৰ:- যা এইবাৰ গছৰ বিষয়ে লিখ।
মন্টুৰ মাঠা গৰম। আকৌ দিছে। মুখেৰে বেয়া মাত মাতি নিজৰ জেগাত বহি লিখিবলৈ ধৰিলে।
গছ হল সেউজীয়া উদ্ভিদ। বৰ ডাঙৰ হয়। ৰ'দ দিলে মায়ে গছত আমাৰ গৰুতো বান্ধে। বছ ইয়াৰ পিছত সি জনা ৰচনা খন। গৰু আমাৰ পোহনীয়া জন্তু। গৰুৰ ঠেং চাৰিখন। গৰুৰ কান দুখন, আগৰ দৰেই আৰম্ভ😬
বহীলৈ মন্টু চাৰৰ ওচৰত। চাৰ অবাক। ৱা ই দেখুন যিয়ে নিদিও গৰুৰ বিষয়েহে লিখে। ৰহ এইবাৰ হেলিকপ্তাৰ লিখিবলৈ দিও। ওপৰত উৰা খন দিলে কত ই গৰু খনকেই লিখিব!!
চাৰ:-যা এইবাৰ হেলিকেপ্তাৰৰ বিষয়ে ৰচনা লিখ।
আকৌ মন্টুয়ে মুখেৰে বেয়া মাত ৰচনা আৰম্ভ কৰিলে।
হেলিকপ্তাৰ টিঙেৰে বনায়। ইয়াক পাইলটে চলায়। ই আকাশত উৰে। ই পথাৰৰ ওপৰেদিও উৰে। ওপৰৰ পৰা তলত গৰুৱে হাল বোৱা দেখে। গৰু এবিধ পোহনীয়া জন্তু।গৰুৰ ভৰি চাৰিখন। গৰুৰ কান দুখন..........😬

Tuesday, 5 April 2016

বুদ্ধিজীৱিৰ প্ৰয়োজন

From rogor:
।। নিয়োগ সংবাদ ।।

"বুদ্ধিজীৱিৰ প্ৰয়োজন"

অসমৰ আগশাৰীৰ কোম্পানী এটাৰ "National Marketing Head" পদৰ কাৰণে ইচ্ছুক বুদ্ধিজীৱি প্ৰাৰ্থীৰ পৰা আবেদন বিচৰা হৈছে।

অৰ্হতা:
.
১/ যিকোনো ডিগ্ৰী হলেই হ'ল। টিপ চহী মাৰা সকলৰ ক্ষেত্ৰত হাতৰ বুঢ়া আঙুলিটো থাকিব লাগিব।
.
২/ বাওঁপন্থী আৰু জাতি বিৰোধী চিন্তাধৰা থাকিব লাগিব।
.
৩/ সংবাদমেল পাতি বেলেগ কোম্পানীৰ প্ৰডাক্ট নিকিনিবলৈ ৰাইজক কব পাৰিব লাগিব।
.
৪/ আমাৰ প্ৰডাক্ট বিক্ৰী কৰিবলৈ গৈ ৰাইজৰ ৰোষত পৰিলেও যুক্তি তৰ্ক কৰিব পাৰিব লাগিব।
.
৫/ চালে বেৰে কোবাই হলেও যুক্তিৰে আমাৰ প্ৰডাক্ট বিক্ৰী কৰিব পাৰিব লাগিব।
.
৬/ টিভি, বাতৰি কাকত, টুইটাৰ, ফেচবুকত ৰাইজৰ গালি আৰু ককৰ্থনা শুনিও ডেম-কেয়াৰ হৈ থাকিব লাগিব।
.
৭/ আত্মসন্মান নথকা প্ৰাৰ্থীক অগ্ৰাধিকাৰ দিয়া হব।
.
৮/ মগজুত কমেও ৪২ GB মেমোৰি থাকিব লাগিব।
.
৯/ টকাৰ কাৰণে মান সন্মান বিক্ৰী কৰিব পাৰিব লাগিব।
.
১০/ কোনো ৰাজনৈতিক দলৰ দালালি কৰাৰ পূৰ্ব অভিজ্ঞতা থাকিব লাগিব।
.
১১/ বয়স আৰু দৰমহাৰ কোনো সীমা নাই।
.
ইচ্ছুক বুদ্ধিজীৱি প্ৰাৰ্থীয়ে একপি "চেল্ফি"ৰে সৈতে নিজৰ বায়ডাটা আমাৰ কাৰ্যালয়ত জমা কৰক।

যোগাযোগৰ ঠিকনা:
নিয়োগ বিভাগ,
"ঘটিৰাম অবৈধ চুলাই আৰু মাদকদ্ৰব্য কোম্পানী লিমিটেড",
গণিকা বিল্ডিং,
(ৰেড লাইট এৰিয়াৰ বিপৰীতে)
দিছপুৰ, গৌহাটী।

Tuesday, 23 February 2016

এটা প্ৰশ্ন ছাৰ..

ছাত্ৰ- এটা প্ৰশ্ন সোধো ছাৰ??
শিক্ষক-  সোধা !
ছা-  যদি আপোনাক হাতী এটা ফ্ৰিজৰ ভিতৰত সুমাব দিয়ে, তেন্তে আপুনি কেনেকে সুমাব??
শি- নাজানো!
ছা- simple! প্ৰথমে ফ্ৰিজৰ দুৱাৰখন খুলি হাতীটো ভিতৰত সুমাই দিলে হ'ল!
শি-  অহ্ !!
ছা- আৰু এটা প্ৰশ্ন ছাৰ....! যদি গাধ এটা ফ্ৰিজত সুমাব দিয়ে....?
শি- simple! প্ৰথমে ফ্ৰিজৰ দুৱাৰখন খুলি গাধটো ভিতৰত সুমাই দিলে হ'ল!
ছা- নহয়...!  প্ৰথমে ফ্ৰিজৰ দুৱাৰখন খুলি হাতীটো উলিয়াই গাধটো সুমাব লাগিব!
শি- অহ্
ছা- আৰু এটা প্ৰশ্ন ছাৰ  !  ধৰা হ'ল সিংহৰ ঘৰত পাৰ্টি চলি আছে আৰু সকলোবোৰ তাত উপস্থিত আছে! কিন্তু সেই পাৰ্টিত এজন missing থাকিব?? কোন সি??
শি- নিশ্চয় সিংহ!  কাৰণ সি থাকিলে সকলোকে খাই পেলাব!
ছা-  ভুল!!! তাত সেই গাধটো missing থাকিব!  কাৰণ সি ফ্ৰিজৰ ভিতৰতে আছে!
শি- উম্!!!
ছা-এটা অন্তিম প্ৰশ্ন !  সেই সিংহৰ পাৰ্টিত যোৱাৰ এটা নদী আছে,,য'ত বহুত ঘৰিয়াল আছে!  নদীটো কেনেকে পাৰ হ'ব??
শি- নিশ্চয় নাৱেৰে!! ন'হলে ঘৰিয়ালে খাই পেলাব!
ছা- নহয় ছাৰ! নদীটো সাতুৰিয়ে পাৰ হ'ৱ পাৰিব! কাৰণ নদীৰ সকলো ঘৰিয়াল সিংহৰ পাৰ্টিত গৈছে!!!

Thursday, 11 February 2016

মস্ত সাংবাদিক

আমাৰ মস্ত সাংবাদিকৰৰ যে কি হ’ব| কালি বোলে ক’ৰবাত ব’ম্ব ব্লাষ্ট হ’ল| আমাৰ সাংবাদিকে তাত নিউজ বনাবলৈ গ’ল| ব্লাষ্টতোত কেইজনমান মানুহ ঢুকাল মাত্ৰ এজন বাছিল| তেওঁকে বলি কা বকৰা সাজি সাংবাদিকে আৰম্ভ কৰিলে-

সাংবাদিক: আপুনি বাছি গ’ল| আপোনাৰ সমুখতে ঘটিছিল ঘটনাতো| কেনেকৈ ঘটিছিল? ব’ম্বটো কেনেকৈ ব্লাষ্ট হ’ল|
মুমূৰ্ষ: মই পাচলি কিনি আছিলো| তেনেতে লাজ-লাজকৈ ব’ম্বটো মোৰ কাষলৈ আহিল...
সাংবাদিক: হয় হয়| তাৰপিছত...
মুমূৰ্ষ: ব’ম্বটোৱে মোক লাহেকৈ হেচুকি সুধিলে " মই ব’ম্ব| ফুটু নে?" মই ফুটিবলৈ কোৱাত লাহেকৈ শব্দ এটা হ’ল- ’ফুচুক’...
সাংবাদিক: নিশ্চয়কৈ ব’ম্বটো নিশ্চয় চাইনীজ আছিল| আপুনি বাছি গ’ল| এই মুহূৰ্তত আপোনাৰ কেনেকুৱা অনুভৱ হৈছে?
মুমূৰ্ষ: কে% @ঽ(ঽ%&$ঽ *#@$*ঽ#@ *$ঽ&#$‍
(সংযোগ বিশ্ছিন্ন হয়)

------ ঐ নগেন পানীৰ বাল্টিটো লৈ আহ------


################
বেচেৰা নগেনৰ ভাটৌ চৰাইৰ দোকানত বহু দিন গ্ৰাহক অহা নাই, সেয়ে এটা ভাটৌ চৰাইক বুজাই আছে - "ঐ আজি তই গ্ৰাহকক বেয়া ব্যৱহাৰ নকৰিবি। আজি যদি তোক বিকিব নোৱাৰো অহাকালি মই দোকানৰ ভাড়াই দিব নোৱাৰিম।
ভাটৌ :- আপুনি চিন্তা নকৰিব নগেন দা। অ কিন্তু মই মিছা মাতি কাকো তেল মৰা বিধৰ ভাটৌ নহওঁ দেই !!
এনেতে ৰমক জমক পোছাক পৰিধান কৰা গাভৰু এগৰাকী সোমাই আহি কলে :- দাদা এটা কথা কব পৰা ভাটৌ পাম নে ?
নগেন :- এইটো লওক। ই অকল কথা কোৱাই নহয়, ইয়াৰ এটা বিশেষ গুণো আছে। ই মানুহ দেখিলে কব পাৰে সুখ-দুখৰ বা অন্তৰৰ কথা।
গাভৰু :- আচ্ছা (ভাটৌটো হাতত লৈ) বাৰু কোৱাচোন মোক দেখি তোমাৰ কেনে ভাৱ হৈছে ?
ভাটৌ:- আপোনাক দেখিলে চৰিত্ৰহীনা যেন লাগে।
গাভৰু :- হেৰি দোকানী, ভাটৌটোৰ ব্যৱহাৰ ঠিক নহয় !
নগেন :- নহয় ভন্টি ই আচলতে ঠিকেই আছিল। কিয় জানো আজি এনেকুৱা কৰিছে।
নগেনে চাওঁ দিয়াচোন বুলি কৈ ভাটৌ টো দোকানৰ ভিতৰৰ ৰুমত নি পানীৰ বাল্টি এটাত
তিনিবাৰ জুবুৰিয়াই কলে, আৰু গ্ৰাহকক বেয়া কথা কবি?
ভাটৌটোয়ে মুৰ জোকাৰি ইংগিত দিলে নকয় বুলি।
নগেনে বাহিৰত আহি ভাটৌটো গাভৰুৰ হাতত তুলি দি কলে,
ভন্টি এইবাৰ সুধা ই যথাযথ উত্তৰ দিব।
গাভৰু :- বাৰু কোৱাচোন, মই যদি এজন পুৰুষৰ লগত এটা ৰুমত ৰাতি থাকোঁ তুমি মোক কি বুলি ভাবিবা ?
ভাটৌ :- কি ভাবিম আৰু সেইজন আপোনাৰ গিৰিয়েক হব চাগে।
গাভৰু:- আৰু যদি দুজনৰ লগত থাকোঁ ?
ভাটৌ :- সেইজন গিৰিয়েকৰ ভাই হব চাগে।
গাভৰু:- আৰু যদি তিনি জনৰ লগত থাকোঁ ?
ভাটৌ:- উমম……(চিন্তা কৰি) সেইজন আপোনাৰ গিৰিয়েকৰ বন্ধু হব লাগে।
গাভৰু :- যদি চাৰি জনৰ লগত থাকোঁ ?
এইবাৰ ভাটৌটোয়ে নগেনক মাতিলে:- ঐ নগেন উপায় নাই পানীৰ বাল্টিতো লৈ আহ , মই আগতেই কৈছিলোঁ এই বেটিৰ চৰিত্ৰ ঠিক নহয়

Sunday, 14 June 2015

চাৰ নটুৰে শব্দটোৰ অৰ্থ কি?

By: Muzahid Mj

কলেজৰ দিনৰ ৰিয়াল কেচ:
ইংৰাজী প্ৰফেচৰক এদিন ভাস্কোদাই
সুধিলে:
চাৰ নটুৰে শব্দটোৰ অৰ্থ কি? প্ৰফেচৰ
চাৰ আচৰিত।35 বছৰীয়া চাকৰি জীৱনত
প্ৰথমবাৰ শুনিছে শব্দটো।তথাপি হাত
সাৰিবলে ক'লে কালিলৈ ক'ম।ঘৰত
আহি গোটেই বিলাক অভিধান চলাথ ।
নাই শব্দটো নাই।পিচদিনা
ভাস্কোদাই আকৌ প্ৰফেচাৰক সুধিলে
চাৰ নটুৰে মানে কি?সেইদিনাও
প্ৰফেচাৰ চাৰে কিবা এটা ফাকি
দি সাৰি আহিল।কিন্তু জন্মৰ পৰাই
মানুহক কামোৰ দিম বুলি অহা
ভাস্কোয়ে ইমান সহজে এৰা ভকত নে?
যেতিয়াই পাই তেতিয়াই প্ৰফেচাৰক
সোধে চাৰ নটুৰে মানে কি?পলায়
পলায় ও তত নাপায় প্ৰফেচাৰে এদিন
ক'লে :-অই ভাস্কো নটুৰে শব্দটোৰ
বানান টো কচোন।
ভাস্কো:-NATURE
প্ৰফেচাৰৰ খঙে চুলিৰ আগ পালেগৈ
"মুৰ্খ ,নেচাৰ শব্দটোক নটুৰে কৈ তয় মোৰ
লগত ধেমালী কৰিব আহিছ।চাই থাক
প্ৰিন্সিপালক কৈ তোক কলেজৰ পৰা
বাহিৰ কৰি দিম।
ভাস্কো:-চাৰ প্লিজ মই ভৰিত ধৰিছো।
এনেকুৱা অন্যায় কাম নকৰিব।নহ'লে যে
মোৰ ফুটুৰে (FUTURE )টো বৰবাদ হৈ যাব।
প্ৰফেচাৰ জন তেতিয়াই চেটেপ।

জোৱাঁয়

By: Gubin Gogoi

বিয়াৰ মাত্ৰ ছবছৰ হৈছে ।
পাচোটা লৰা ছোৱালী । ষষ্ঠ বাৰ আকৌ কেচুৱা হবৰ হলত জোৱাঁয়ে গোটেই পল্টনটো লৈ শহুৰেকৰ ঘৰলৈ বুলি ওলাল ।
আগৰ দিনত কেচুঁৱা জন্ম হবৰ সময়ত মাকৰ ঘৰলৈ ছোৱালী যোৱাটো এটা নিয়ম আছিল ।
.
দুৰৰ পৰাই গোটেই কাবাদী টীমটো দেখি শহুৰৰ মুৰ গৰম হৈ গল । জোৱাঁইক  দেখিয়ে হাতত থকা কুঠাৰ খন লৈ
শহুৰে খেদা মাৰি আহিল । চাল্লা নীলাজ, কাণ্ডজ্ঞান পুৰি খোৱা , ৰস নোহোৱা নেমু , শুকান জেওৰাখুটি ... তই বছৰে  বছৰে গৰুৰ নিচিনা ... এই ছোৱালীজনী মৰি নাথাকিবনে ?
.
তোৰ মুৰত কি আছে ?
.
জোৱাঁয়ে বোলে দেউতা , কিয় খং কৰিছে ?
.
সকলো ঈশ্বৰৰ ইচ্ছা । নাপায় । তাতে মই আপোনাৰ কথা আখৰে আখৰে পালনহে কৰিছো ।
.
শহুৰ:- তই মোৰ কি কথা পালন কৰিছ , খাবলৈ নোপোৱাৰ জাত ?
.
জোঁৱাই:- দেউতা , ছোৱালী উলিয়াই নিওঁতে আপুনি কি কৈছিলে মনত পেলাওক ! বোলে তই ছোৱালী নিছ নে
পিছে তাইক খালী পেটে নাৰাখিবি । কৈছিলে নে নাই ?
.
শহুৰ বেহুচ ....... জোৱাঁই দিলখুচ
. কেনে লাগিল ?

Wednesday, 7 January 2015

»»»নপঢ়িলে দুখত থাকক, একদম সত্য«««


By: Pankaj Dutta

এদিনাখন মমিবাই অফিচৰ পৰা ঘৰলৈ আহি আছিল .. ৰাস্টাত বহুত জাম হোৱা দেখি মমিবা লগতে আন মানুহবোৰো ৰ'ব লগা হ'ল..
ঠিক সেই সময়তে মমিবাই মন কৰিলে এজন ভিক্ষাৰীয়ে ওচৰত ৰৈ থকা মানুহ এটাক ভিক্ষা খুজি আছে..


মানুহজনক কিবা মমিবাৰ চিনাকী চিনাকী লাগিল , সেয়েহে সুধিয়েই পেলালে ভিক্ষাৰীজনক- আপোনাক মই ক'ৰবাত দেখিছো..!!!

ভিক্ষাৰী- আৰে এইজনী আমাৰ মমিচোন ... ক'ত গৈছিলা ?

মমি বা- (অবাক হৈ) আৰে মোক কেনেকে চিনি পায় ?

ভিক্ষাৰী- (অলপ লাজ কৰি) কিয় মোক চিনি পোৱা নাই ? সেই যে ফেচবুকৰ 'ৰগৰ' নামৰ অসমীয়া গোটটিত ‪#‎নিলু‬ বা‪#‎নেলু‬ বুলি যে নাম এটা পোৱা , সেইজনে মই..

মমি বা- কি ইইইইইইইই..তাৰমানে ?

ভিক্ষাৰী নেলুকাই- নাইচ টু মিট ইউ মমি .. পিছে কাকো নকবা হা, আজি অলপ অভাৰ টাইম কৰিছো, কালিলৈ দিনটোত তেতিয়াহে খুব ফেচবুক কৰিব পাৰিম .. আৰু ৰাতি ইনবক্সত আহিবা হা মমি...

নেলু কথা শুনি মমিবা বেহুচ তেতিয়াৰ পৰা ....

(আগতে শুনা কৌতুক সকলোৱে, অলপ ৰিমিক্স কৰি দিলোং)

বিষ

By: Mamoni Biswas
নগেন এবাৰ ডাক্তৰৰ ওচৰলে গ'ল
নগেন: ছাৰ, মোৰ গোটেই গাতে বিষ হৈছে। সৰ্ব শৰীৰ বিষত মই তত পোৱা নাই। মোক অাপুনি help কৰক ছাৰ
ডাক্তৰ: বিষ ক'ত ক'ত হৈছে?
নগেন: তৰ্জনি অাঙুলিৰে কপালত ছুই ডাক্তৰক দেখুৱালেছাৰ,মই ইয়াত ছুলে বিষায়
তাৰ পাছত হাতত ছোও.....তাতো বিষায়
ডিঙিত ছোও তাতো বিষায়
ইমান যে বিষ......উস্
ডাক্তৰ: চাওছোন ওচৰলে অাহ্
নগেন ডাক্তৰৰ ওচৰত থিয় হ'ল অাৰু
নিজৰ অাঙুলি এটাৰে নগেনৰ কপালত ছুই নগেনক সুধিলে.......
এতিয়া বিষাইছেনে?
নগেন: নাই বিষোৱা ছাৰ
এইবাৰ একেদৰে ডাক্তৰে নগেনৰ হাত অাৰু ডিঙিতো ছুই নগেনক বিষাইছেনে নাই সুধিলত নগেনে নাই বিষোৱা বুলি ক'লে
নগেনে অাচৰিত হৈ ডাক্তৰক সুধিলে ..... ছাৰ মোৰ কেনেকুৱা বিষ হৈছে এইটো......মোক অাপুনি বছওক ছাৰ।
ডাক্তৰ: কুকুৰ ......তোৰ গাত একো হোৱা নাই ......... অাঙুলিত ঘা হৈছে তোৰ!!!!!!!!!